კრისტალინა გეორგიევა საერთაშორისო სავალუტო ფონდის დირექტორი გახდა
საერთაშორისო სავალუტო ფონდის აღმასრულებელმა საბჭომ მიიღო გადაწყვეტილება და ორგანზიაციის ახალ აღმასრულებელ დირექტორად კრისტალინა გეორგიევას კანდიდატურა დაამტკიცა. ამის შესახებ თავად ორგანიზაციის მიერ გავრცელებულ განცხადებაში წერია.
მისი არჩევა 5-წლიანი ვადით მოხდა და გეორგიევა უფლებამოსილების შესრულებას 1-ლი ოქტომბრიდან შეუდგება. გეორგიევამ აღნიშნულ თანამდებობაზე კრისტინ ლაგარდი ჩაანაცვლა. აღსანიშნავია, რომ გეორგიევა IMF-ს არსებობის ისტორიაში პირველი ხელმძღვანელია განვითარებადი ეკონომიკის მქონე ქვეყნიდან. ბულგარეთში დაბადებული გეორგიევა იყო ერთადერთი კანდიდატი ფონდის ხელმძღვანელის პოსტზე.
66 წლის გეორგიევა პროფესიით ეკონომისტია. ის 2010-2016 წლებში ევროკომისიის წევრი იყო. ამავდროულად, იკავებდა ევროკომისარის პოსტს კრიზისული მართვისა და საერთაშორისო ჰუმანიტარული დახმარების მიმართულებით 2010-2014 წლებში. 2017 წელს ის გახდა აღმასრულებელი დირექტორი მსოფლიო ბანკის, მან ეს ორგანიზაცია 2019 წელის აგვსიტოში დატოვა მას შემდეგ, რაც მისი კანდიდატურა საერთაშორისო სავალუტო ფონდის ხელმძღვანელის პოსტზე წარადგინეს.
