მებაჟე ოფიცრებმა არადეკლარირებული მობილური ტელეფონები აღმოაჩინეს

მებაჟე ოფიცრებმა არადეკლარირებული მობილური ტელეფონები აღმოაჩინეს.

როგორც ფინანსთა სამინსიტროს შემოსავლების სამსახურიდან იუწყებიან, საბაჟო გამშვებ პუნქტში „თბილისის აეროპორტი“, მობილური ტელეფონების ქვეყნის საზღვარზე კანონდარღვევით შემოტანის მცდელობის 2 ფაქტი აღიკვეთა.

„ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქეების კუთვნილი ბარგის დათვალიერების შედეგად, არადეკლარირებული 18 ცალი მობილური ტელეფონი და ტელეფონის აქსესუარები აღმოაჩინეს. საქონლის საბაჟო ღირებულებამ საერთო ჯამში, 50 395.35 ლარი შეადგინა.

საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა“, - ნათქვამია უწყების მიერ გავრცელებულ განცხადებაში.