Microsoft -ი ორეკრანიანი სმარტფონების წარმოებას დაუბრუნდა
პროგრამული სისტემების მწარმოებელი ამერიკული კომპანია Microsoft-ი სმარტფონების ბაზარზე დაბრუნებას გეგმავს.
კომპანიამ ნიუ-იორკში გამართულ ღონისძიებაზე წარადგინა დასაკეცი ტელეფონი Surface Duo, რომელიც შეიძლება გამოიყენო როგორც პლანშეტი. ის საოპერაციო სისტემა ანდროიდზე იმუშავებს.
ახალი მოწყობილობა ორი ეკრანისგან შედგება, რომელთა დიაგონალია 5,6 დიუიმი, ის გახსნისას პლანშეტად იქცევა, რომლის ეკრანის ზომა 8,3 დიუიმია. მას სტილუსით მუშაობის მხარდაჭერაც აქვს. Microsoft-ი აცხადებს, რომ აპირებს საკუთარი პროგრამული უზრუნველყოფის გამოშვებასაც ახალი გაჯეტისთვის.
გარდა ამ მოდელისა, კომპანიამ ღონისძიებაზე ასევე წარადგინა გაჯეტი Surface Neo, რომელსაც ასევე ორი ეკრანი აქვს და არის 9 დიუიმიანი. ისიც 2020 წელს უნდა გამოჩნდეს ბაზარზე. მას კლავიატურის მხარდაჭერაც აქვს, რაც პრაქტიკულად, ნოუთბუქად აქცევს. ის მუშაობს ოპერაციულ სისტემაზე Windows 10X, რომელიც შემუშავდა სპეციალურად ორმაგი ეკრანების მქონე მოწყობილობებისთვის.
როგორც ცნობილია, Microsoft-მა სმარტფონების ბიზნესი 2017 წელს დატოვა, მას შემდეგ, რაც უშედეგოდ შეეცადა ამ ბაზარზე საკუთარი წილის დაკავებას, მათ შორის, Nokia-ს შეძენის გზითაც.
