"თამბაქოს კონტროლის ალიანსის" თავმჯდომარე - ელექტრონული სიგარეტების გამოყენებასთან დაკავშირებით უმძიმესი შედეგებია
ელექტრონული სიგარეტების გამოყენებასთან დაკავშირებით უმძიმესი შედეგებია, - ამის შესახებ "თამბაქოს კონტროლის ალიანსის" თავმჯდომარემ, გიორგი ბახტურიძემ დღეს გამართულ პრესკონფერენციაზე განაცხადა.
მან ელექტრო სიგარეტების მოხმარების უარყოფით შედეგებზეც ისაუბრა.
ბახტურიძის თქმით, აღნიშნული სახის სიგარეტში ათასობით ტოქსიური ნივთიერება შედის, რის გამოც მისი მოხმარება, როგორც მწეველების, ასევე გარშემომყოფების ჯანმრთელობისთვის საზიანოა.
„ათასობით ფაქტია დაფიქსირებული, როდესაც დგინდება ფილტვის ჯერ კიდევ დაუდგენელი დაავადება და გარდაცვალების რამდენიმე შემთხვევაც იყო. ეს ეხება ძირითადად ახალგაზრდებს, რომლებიც 1-2 წლის განმავლობაში ინტენსიურად მოიხმარდნენ ამ სახის სიგარეტს. ეს სიგარეტი არის დიდი მოცულობის მოწყობილობა. მასში აზავებენ სხვადასხვა სახის ნივთიერებებს. ასეთი ნივთიერება არის დაახლოებით 13 ათასი, რომლებიც არის ქიმიური, ტოქსიური და კარცენოგენური, რომელიც ზიანს აყენებს არა მხოლოდ მწეველს, არამედ გარშემომყოფებსაც.
მსოფლიოს 50 ქვეყანა კრძლავს ელექტრონული სიგარეტის გამოყენებას, ასევე გახურებადი თამბაქოსგან თავისუფალია" , - განაცხადა ბახტურიძემ.
მანვე ისაუბრა თუთუნთან დაკავშირებით.
„იანვარში გათანაბრდა გადასახადი ფილტრიან და უფილტრო სიგარეტებზე, თუმცა თუთუნი დარჩა რეგულაციების მიღმა, იმ თვალსაზრისით, რომ ნედლეული არ იბეგრებოდა, სავაჭრო ობიექტებზე მოექცეოდა, გადასახადის გადახდა არ ხდებოდა და უკანონოდ რეალიზებდებოდა. ყველა სავაჭრო ობიექტი, სადაც ყიდიან დღეს თუთუნს, უკანონოა. საკმაოდ დაბალი ღირებულების არის, ამიტომ დიდი ნაწილი მწეველების გადავიდა ხელით გასახვევ თამბაქოზე, რამაც სერიოზული პრობლემები გააჩინა მომხმარებლების შენარჩუნების თვალსაზრისით, რადგან გასულ წელს გვქონდა მოხმარების შემცირების ტენდენცია სხვადასხვა ფაქტორების გამო - რეკლამა აიკრძალა, ასევე საზოგადოებრივი თავშეყრის ადგილებში მოწევა, ამას გარკვეული გავლენა ჰქონდა, არა დიდი, თუმცა ტენდენცია წავიდა.
როდესაც მთავრობა ცდილობდა ფილტრიანსა და უფილტრო სიგარეტებზე გადასახადების დაახლოებას, მაშინ მივუთითებდით ჩვენ, რომ აუცილებელია თუთუნზეც ადეკვატური გადასახადის დაწესება, რომ არ მოხდეს ამ ნაწარმზე გადასვლა“, - განაცხადა ბახტურიძემ.