კომერციული ბანკების მთლიანი აქტივები 546.6 მლნ ლარით გაიზარდა
ოქტომბერში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 546.6 მლნ ლარით, ანუ 1.2 პროცენტით გაიზარდა (გაცვლითი კურსის ეფექტის გარეშე 1.0 პროცენტით) და 2019 წლის პირველი ნოემბრისათვის 46.3 მლრდ ლარი შეადგინა.
ამასთან, ეროვნული ბანკის ინფორმაციით, საბანკო სექტორის საკუთარი სახსრები 5.5 მლრდ ლარს შეადგენს, რაც კომერციული ბანკების მთლიანი აქტივების 11.9 პროცენტია.
სებ-ის ცნობით, 2019 წლის პირველი ნოემბრის მდგომარეობით, საქართველოს საბანკო სექტორი 15 კომერციული ბანკითაა წარმოდგენილი; მათ შორის 14 - საწესდებო კაპიტალში უცხოური კაპიტალის მონაწილეობით.
