პროდუქტები, რომელსაც ვყიდით და ვყიდულობთ თურქეთში

„საქსტატის“ მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია.

აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს.

2019 წელს ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 66.9 პროცენტი შეადგინა. აღსანიშნავია, რომ ქვეყნის უმსხვილესი სავაჭრო პარტნიორი თურქეთია (1 816.1 მლნ აშშ დოლარი).

„ბიზნესპრესნიუსი“ დაინტერესდა, რას ვყიდით და ვყიდულობთ თურქეთისგან.

საქართველოდან თურქეთში ექსპორტირებული უმსხვილესი სასაქონლო ჯგუფები:

  • ტრიკოტაჟის ნაწარმი - 37 850 500 დოლარი
  • ნახევარფაბრიკატები ნახშირბადიანი ფოლადისაგან - 28 902 600 დოლარი
  • ფეროშენადნობები - 18 502 000 დოლარი
  • სპილენძის მადნები და კონცენტრატები - 13 750 200 დოლარი
  • მამაკაცის ტრიკოტაჟის კოსტუმები და კომპლექტები - 13 660 300 დოლარი

თურქეთიდან საქართველოში იმპორტირებული უმსხვილესი სასაქონლო ჯგუფები:

  • დაფასოებული მედიკამენტები - 83 777 700 დოლარი
  • მსუბუქი ავტომობილები (ცალი) - 61 665 500 დოლარი
  • მილები, მილაკები და ღრუ პროფილები, სხვა, შავი ლითონებისაგან - 42 798 100 დოლარი
  • მეტალოკონსტრუქციები შავი ლითონებისაგან და მათი ნაწილები - 42 768 400 დოლარი
  • მავთულები იზოლირებული, კაბელები - 40 047 200 დოლარი

ლიკა ამირაშვილი