ტოკიომ მობილური კავშირის 6G ქსელზე მუშაობა დაიწყო

იაპონიის ხელისუფლებამ მიიღო გადაწყვეტილება, დაიწყოს მოსამზადებელი სამუშაოების ჩატარება ქვეყანაში მეექვსე თაობის კავშირის სისტემის დანერგვაზე, რომლის ამოქმედებაც 2030 წლისთვის უნდა მოხდეს. ამ მიზნით შეიქმნება ექსპერტების საბჭო, რომლის შემადგენლობაშიც შევლენ ტექნიკური სპეციალისტები, კერძო ბიზნესის წევრები და შესაბამისი უწყებების წარმომადგენლები. მათ მოუწოდეს შეიქმნას უკვე ზაფხულისთვის კომპლექსური სტრატეგია ახალ ფორმატზე გადასასვლელად - იუწყება ტელეკომპანია NHK.

ამასთან, ცნობილი ხდება, რომ იაპონიაში მეხუთე თაობის ქსელის მასიური დანერგვა ამ გაზაფხულზე მოხდება. ამ ქსელის გამოყენებაში ქვეყანა უკვე ჩამორჩა აშშ-სა და სამხრეთ კორეას, სადაც 5G ქსელი უკვე გამოიყენება.

ახლა კი როგორც ჩანს, იაპონიის ხელისუფლებას სურს ეს ჩამორჩენა აღმოფხვრას და ბიზნესთან თანამშრომლობით მოიპოვოს ლიდერობა კიდევ უფრო სწრაფ და დაცულ მეექვსე თაობის სისტემაზე.

კოკა კვირკველია