კომპანიები საქართველოში, სადაც კვირაში 4 დღე მუშაობენ
2019 წელს უმსხვილესმა ამერიკულმა კომპანიამ Microsoft ჩაატარა ექსპერიმენტი, რომლის მიხედვითაც კომპანიაში დასაქმებულებისთვის 4-დღიანი სამუშაო კვირა დააწესდა. კვლევის დასრულების შემდეგ აღმოჩნდა, რომ Microsoft-ის ახალი ინიციატივის შედეგად, დასაქმებულების პროდუქტიულობა 40%-ით გაიზარდა.
Microsoft-ის შემდეგ ანალოგიური სამუშაო გრაფიკი სხვა საერთაშორისო კომპანიებმაც დააწესეს და მათ შემთხვევაშიც, შედეგი პროდუქტიულობის ზრდა იყო.
4-დღიანი სამუშაო გრაფიკი ქართულმა კომპანიებმაც შემოიღეს. დღეის მონაცემებით ქვეყანაში უკვე 4-დღიან სამუშაო კვირაზე სამი კომპანია გადავიდა.
პირველი კომპანია, რომელმაც ეს გამოწვევა 2019 წლის ნოემბერში მიიღო, Insource იყო. კომპანიის წარმომადგენლების თქმით, ამ გადაწყვეტილების საფუძველი პროდუქტიულობის გაზრდა და შედეგების გაუმჯობესება იყო.
მეორე კომპანია, რომელიც ამ გამოწვევაში ჩაერთო, საერთაშორისო გაყიდვების ინსტიტუტია. კომპანიამ 4-დღიან სამუშაო კვირაზე 2020 წლის იანვარში გადავიდა.
4-დღიან სამუშაო გრაფიკი მოქმედებს დიზაინერული სტუდია Studio impulse-ში, რომელიც ბრენდებისთვის გამორჩეულ ვიზუალურ იდენტობას ქმნის. თუმცა ასეთ სისტემაზე კომპანია ახლა არ გადასულა, Studio impulse-ში 4-დღიანი სამუშაო კვირა 2018 წლის აპრილიდან, დაარსების დღიდან მოქმედებს.
ავტორი: ნოდარ სირბილაძე