თბილისს კიდევ 40 ერთეული ახალი 8-მეტრიანი ავტობუსი შეემეტა. როგორც დედაქალაქის მერმა კახა კალაძემ განაცხადა ახალი ავტობუსები კიდევ 9 მარშრუტზე ჩანაცვლდება.
მერიის ინფორმაციით, 40 ავტობუსი უახლოეს დღეებში 9 მარშრუტზე გადანაწილდება. ესენია:
ავტობუსები მუნიციპალური ავტოპარკის განახლების პროექტის ფარგლებშია შესყიდული. ISUZU-ს მარკის 8-მეტრიანი ავტობუსები გათვლილია 53 მგზავრზე, აქედან 21 დასაჯდომი ადგილია. ავტობუსები სრულად ადაპტირებულია შშმ პირთათვის: სალონში გამოყოფილია სპეციალური სივრცე და გააჩნია გადმოსაშლელი პანდუსი, ეტლით ავტობუსში ასვლის უზრუნველსაყოფად. ავტობუსში განთავსებულია როგორც wifi მოდემი, რომელიც უზრუნველყოფს მთლიანი ავტობუსის wifi-ს სიგნალით დაფარვას, ასევე თანამედროვე სტანდარტის, ინტეგრირებული გათბობის, კონდენცირების და ვენტილაციის სისტემები. გააჩნია ანტივანდალური ვიდეომონიტორინგისა და საინფორმაციო ხმოვანი შეტყობინებების სისტემები და usb-დამტენები.
თბილისის სატრანსპორტო კომპანიამ 2019 წელს 90 ერთეული 10-მეტრიანი MAN-ისა და 220 ერთეული 8-მეტრიანი ISUZU-ს მარკის ავტობუსი შეიძინა.