საქართველო საინვესტიციო მიმზიდველობას კარგავს - EuCham რეიტინგში პოზიციები 2 საფეხურით გაუარესდა
საქართველო საინვესტიციო მიმზიდველობას კარგავს. ევროკავშირის პალატის (EuCham) ყოველწლიურ რეიტინგში - საუკეთესო ქვეყნები ბიზნესისთვის, 2020 წელს საქართველოს პოზიცია 2 საფეხურით გაუარესდა და 70 ქულით 18-ე ადგილი დაიკავა.
2019 წლის რეიტინგში საქართველო 71 ქულით მე-16 ადგილს იკავებდა.
ევროკავშირის პალატა ბიზნესისთვის საუკეთესო ქვეყნების სიას ყოველწლიურად აქვეყნებს. კვლევისას ისინი მსოფლიო ბანკის ბიზნესის კეთებისა და საერთაშორისო გამჭვირვალობის კორუფციის აღქმის ინდექსს იყენებენ. ევროკავშირის პალატამ კვლევა ევროპის 46 ქვეყანაში ჩაატარა და ისინი 0-დან 100 ქულამდე შეაფასა.
ბიზნესის კეთებისთვის ევროპის საუკეთესო ქვეყნების ათეული ასე გამოიყურება:
- 1. დანია - 86
- 2. შვედეთი- 84
- 3. ნორვეგია-83
- 4. ფინეთი- 83
- 5. შვეიცარია -81
- 6. გაერთიანებული სამეფო- 80
- 7. გერმანია- 80
- 8. ნიდერლანდები- 79
- 9. ისლანდია- 79
- 10. ავსტრია -78
რაც შეეხება საქართველოს მეზობელ ქვეყნებს, მათი შედეგი გაუმჯობესდა. სომხეთმა 39-ე პოზიციიდან 33-ზე გადმოინაცვლა, აზერბაიჯანმა კი, 44-დან 41-ზე.
