MasterCard-ი ბელგიაში კიბერუსაფრთხოების ცენტრს გახსნის

ამერიკული კომპანია MasterCard-ი ევროპაში, ბელგიაში კიბერუსაფრთხოების პირველ ცენტრს ხსნის.

ცენტრი განთავსდება ბელგიურ ქალაქ ვატერლოში, სადაც მდებარეობს MasterCard-ის ევროპის ბიურო და გახდება პირველი მსგავსი ტიპის საინვესტიციო პროექტი კომპანიისთვის ამერიკის ფარგლებს გარეთ. ის გააერთიანებს ექსპერტებს ფიზიკური დაცვისა და კიბერუსაფრთხოების სფეროდან.

ევროპული განყოფილების MasterCard-ის ხელმძღვანელმა ჰავიერ ეპრესმა განაცხადა, რომ ევროპული ცენტრი გააუმჯობესებს საკვანძო ორგანიზაციებს შორის ურთიერთობას.

MasterCard-მა არ გაამხილა ინვესტიციების მოცულობის შესახებ ინფორმაცია და არც დასაქმებულების შესახებ. ცენტრი ოფიციალურად ფუნქციონირებას 2021 წლის დასაწყისიდან შეუდგება.

კოკა კვირკველია