რა პერიოდში შეამცირა Ryanair-მა იტალიის მიმართულებით ფრენები
კორონავირუსის გამო, Ryanair-მა მილანი-თბილისი-მილანის საჰაერო ხაზზე სიხშირეების რაოდენობა 50%-ით შეამცირა.
„საქართველოს აეროპორტების გაერთიანების“ ინფორმაციით, აღნიშნულ მიმართულებაზე ფრენები ნაცვლად 4 სიხშირისა, კვირაში ორჯერ განხორციელდება.
მილანსა და თბილისს შორის, რეისების სიხშირის შემცირება მხოლოდ 9 მარტიდან 7 აპრილამდე პერიოდს ეხება.
თუმცა კომპანიის ოფიციალურ ვებ-გვერდზე მილანი-თბილისი-მილანის მიმართულებით 8 აპრილამდე არცერთი რეისი არ იძებნება.
რაც შეეხება ქუთაისის საერთაშორისო აეროპორტიდან ბოლონიის მიმართულებას, 8 მარტიდან 7 აპრილის ჩათვლით, ქუთაისიდან ბოლონიის მიმართულებით რეისები არ განხორციელდება.