ჩინეთის ბირჟებზე ზრდაა - როგორ დაიწყო სამუშაო კვირა აზიის ბირჟებზე
აზიის უმსხვილეს ტოკიოს სავაჭრო ბირჟაზე ახალი სამუშაო კვირა მცირე ვარდნით გაიხსნა. ამის მიზეზი კი ამერიკის ფედერალური სისტემის მიერ საპროცენტო განაკვეთის პრაქტიკულად განულება გახდა. შედეგად კი Nikkei-ს ინდექსი ვაჭრობის დაწყებიდან პირველ 15 წუთში 17322,49 პუნქტამდე 0,62%-ით შემცირდა. TOPIX-ის ინდექსი კი 0,76%-ით 1252,09 პუნქტამდე შემცირდა.
ჰონგკონგის საფონდო ბირჟაზე კი Hang Seng-ის ინდექსი 3%-ით 23 317 პუნქტამდე შემცირდა.
ტოკიოსა და ჰონგკონგის ბირჟებისგან განსხვავებით მცირედი ზრდა დაფიქსირდა კონტინენტური ჩინეთის ორ წამყვან ბირჟაზე, შანხაისა და შენჯენის ბირჟებზე უმნიშვნელო ზრდა მოხდა.
„შანხაის კომპოზიტის“ ინდექსი 0,34%-ით 2897,30 პუნქტამდე გაიზარდა, ხოლო „შენჟენის კომპონენტი“ 0,34%-ით 10867,66 პუნქტამდე.
