მიმართვა 9 სასურსათო პროდუქტის იმპორტიორ/დისტრიბუტორებს - „ფასის სპეკულაციური ზრდის თავიდან ასაცილებლად, მიწოდების ჯაჭვის ყველა რგოლი გაკონტროლდება“
დისტრიბუტორთა ასოციაცია 9 მნიშვნელოვანი სასურსათო პროდუქტის იმპორტიორ/დისტრიბუტორებს მიმართავს.
შეგახსენებთ, რომ პროდუქტზე ფასების ზრდის თავიდან აცილების მიზნით, სახელმწიფოს მიერ შემუშავებული სავალუტო რისკებისგან დაზღვევის მექანიზმის ფარგლებში, მიღებულ იქნა გადაწყვეტილება 9 მნიშვნელოვანი სასურსათო პროდუქტის იმპორტიორებისთვის/დისტრიბუტორებისთვის ფიქსირებულ საკურსო რეჟიმში გადაზღვევის თაობაზე. „საქართველოს დისტრიბუტორთა ბიზნეს ასოციაცია ყველა იმპორტიორ/სადისტირბუციო კომპანიას, რომლებიც ახორციელებენ ქვემოთ მითითებული პროდუქტის იმპორტს, მოუწოდებს წარმოადგინონ ინფორმაცია ასოციაციას ან/და საქართველოს გარემოს დაცვისა და სოფლის მეურნეობის სამინისტროში საკურსო რეჟიმში გადაზღვევა განხორცილედება შემდეგ 9 პროდუქტზე:
- ბრინჯი;
- მაკარონი;
- ლობიო;
- მზესუმზირის ზეთი;
- ფქვილი;
- შაქარი;
- ხორბალი;
- რძის ფხვნილი;
- წიწიბურა;
მიწოდების ჯაჭვის ყველა რგოლში გაკონტროლდება ფასი, რათა თავიდან იქნეს აცილებული ფასის სპეკულაციური ზრდა,“-აღნიშნულია განცხადებაში.
