"სურსათის ობიექტებისა და აგრარული ღია ბაზრობების, აფთიაქებისა და ბენზინგასამართი სადგურების გარდა ყველა საცალო ვაჭრობის ობიექტი უნდა დაიხუროს"
პრემიერ-მინისტრის პრესსპიკერის, ირაკლი ჩიქოვანის განცხადებით, ყველა საცალო ვაჭრობის ობიექტი უნდა დაიხუროს, გარდა კვებისა და სურსათის სავაჭრო ობიექტებისა, ასევე აგრარული ღია ბაზრობებისა, აფთიაქებისა და ბენზინგასამართი სადგურებისა.
შესაბამისი განცხადება ჩიქოვანმა კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის დასრულების შემდეგ გააკეთა.
"პრემიერ-მინისტრმა დავალება მისცა ეკონომიკურ გუნდს, რომ მათ წარმოადგინონ კონკრეტული წინადადებები, რომელიც განხორციელდება დამატებით, გარდა ეკონომიკური სტიმულირების პაკეტისა, რათა განისაზღროს ახალი გეგმები“, - განაცხადა ჩიქოვანმა და აღნიშნა, რომ სტიმულირების პაკეტი ჩვენს ბიზნესებსა და მოქალაქეებს საშუალებას მისცემს, გაუმკლავდნენ კორონავირუსის ეფექტს.