რამდენი ადამიანი მოექცა მკაცრ კარანტინში ბოლნისსა და მარნეულში
მარნეულსა და ბოლნისში მკაცრი საკარანტინო რეჟიმი დაწესდა. პრემიერ-მინისტრის გიორგი გახარიას ბრძანებით, დღეიდან ორივე მუნიციპალიტეტში იზღუდება შესვლა-გამოსვლა, იხურება ყველა ობიექტი, ხელმისაწვდომი იქნება მხოლოდ მედიკამენდების, საკვების და კრიტიკული ინფრასტრუქტურის ობიექტები. საზოგადოებრივი ტრანსპორტის მოძრაობა შეიზღუდება. კარანტინი ახალი კორონავირუსის პანდემიას უკავშირდება.
ხელისუფლების გადაწყვეტილების შესაბამისად, მკაცრ საკარანტინო ზონაში მთლიანად 162 ათასზე მეტი ადამიანი მოექცა. სტატისტიკის ეროვნული სამსახურის ინფორმაციით, 2020 წლის 1-ლი იანვრის მდგომარებით მარნეულის მუნიციპალიტეტში მცხოვრებთა რაოდენობა შეადგენს 106 778-ს, ბოლნისის კი - 55 444-ს.