გაერო-ს გენერალური მდივანი დიდი ოცეულის ქვეყნებს კორონავირუსის გამო სანქციების გაუქმებისკენ მოუწოდებს
გაეროს გენერალური მდივანი ანტონიუ გუტერეში დიდი ოცეულის წევრი ქვეყნების ლიდერებს მიმართავს, კორონავირუსის გავრცელების ფონზე, გააუქმონ სანქციები, რომლებიც ხელს უშლის სურსათის, სამედიცინო დახმარებისა და პირველადი აუცილებლობის პროდუქტების მიწოდებას.
გუტერეშის განცხადებით, უნდა მოიხსნას შეზღუდვები ტრანსსასაზღვრო ვაჭრობაზე, რომელიც გავლენას ახდენს სამედიცინო აღჭურვილობის, მედიკამენტებისა და სხვა საქონლის მიწოდებაზე ეპიდემიასთან საბრძოლველად.
„ეს არის სოლიდარობის და არა იზოლაციის დრო. კორონავირუსი მოითხოვს ისეთ პასუხს, რომლის მსგავსი მანამდე არ ყოფილა. დიდი ოცეულის ხელმძღვანელობას განსაკუთრებული შესაძლებლობა გააჩნია, გამოვიდეს საპასუხო ზომების უდიდესი პაკეტით ვირუსით გამოწვეული საფრთხის ასარიდებლად. ეს მოახდენდა სოლიდარობას მსოფლიო ხალხებთან, განსაკუთრებით კი მათთან, რომლებიც უმეტესად მოწყვლადი არიან“ , - განაცხადა გაეროს გენერალურმა მდივანმა.