საქართველოს მოქალაქეების ქვეყანაში დასაბრუნებლად სპეცრეისი ლონდონიდანაც დაინიშნა
საქართველოს პრემიერ-მინისტრთან არსებული საკოორდინაციო საბჭოს მიერ მიმდინარე წლის 10 აპრილის ჩათვლით დაგეგმილი სპეცრეისებიდან 3 უკვე შესრულდა.
კერძოდ, რეისები განხორციელდა - ბერლინიდან, საბერძნეთიდან და ვენიდან. გარდა ამისა, მთავრობის მიერ დაანონსებული გრაფიკით, დარჩენელია შემდეგ მიმართულებებზე რეისების განხორციელება:
- 31 მარტი – თბილისი-ამსტერდამი-თბილისი;
- 3 აპრილი – თბილისი-ვარშავა-თბილისი;
- 7 აპრილი – თბილისი-ათენი-თბილისი;
- 10 აპრილი – თბილისი-ლარნაკა-თბილისი.
ამასთან, საგარეო საქმეთა სამინისტროს ცნობით, მიმდინარე წლის 4 აპრილს კომპანია ‘საქართველოს ავიახაზები“ განახორციელებს მის მიერ დანიშნულ გეგმიურ რეისს თბილისი-ლონდონი-თბილისის მიმართულებით.
„საქართველოს პრემიერ-მინისტრთან არსებული საკოორდინაციო საბჭოს გადაწყვეტილებით და პრემიერ-მინისტრის მითითებით, აღნიშნული კატეგორიის სამგზავრო ბილეთის ფასი არ უნდა აღემატებოდეს 199 ევროს. საქართველოში ჩამოსული ყველა მგზავრი დაექვემდებარება 14 დღიან სავალდებულო კარანტინს,“-აღნიშნულია ინფორმაციაში.
