სინგაპურის თითოეული მოქალაქე დახმარების სახით 1,1 ათას დოლარს მიიღებს

კორონავირუსის ეპიდემიის გამო სინგაპურის მთავრობა ყველა მოქალაქეს 21 წლის ასაკის ზემოთ გადაუხდის 1.6 ათას სინგაპურის დოლარს (1,1 ათასი აშშ დოლარი). ამის შესახებ ქვეყნის ვიცე პრემიერ-მინისტრმა, ფინანსთა მინისტრმა ჰენგ სვეი კითმა პარლამენტში მოსახლეობის სტიმულირების მორიგი პაკეტის წარდგენისას განაცხადა.

ფინანსური დახმარების მესამე პაკეტი, სახელწოდებით სოლიდარობის ბიუჯეტი, ”ითვალისწინებს ერთ თვეში 600 სინგაპურული დოლარის გადასახდელ თანხას”. მინისტრის განცხადებით, "წინა სოციალური გადასახადების გათვალისწინებით, წელს ყველა მოქალაქე მიიღებს 1.6 ათას სინგაპურულ დოლარს".

3 აპრილს პრემიერ-მინისტრმა ლი ქსიან ლუნიმ დამატებითი შეზღუდვები დააწესა ვირუსის გავრცელებასთან დაკავშირებით. კერძოდ, 7 აპრილიდან, ქალაქ-სახელმწიფოში თითქმის ერთი თვის განმავლობაში დაიხურება ყველა ძირითადი ობიექტი, გარდა საკვების მაღაზიების, აფთიაქების, საზოგადოებრივი ტრანსპორტის, სკოლებში და უნივერსიტეტებში კლასები შეჩერებულია. ლი ქსიან ლუნიმ მოუწოდა მოქალაქეებს, არ დატოვონ სახლები, თუ ეს არ არის აუცილებელი. მისივე თქმით, თუ სიტუაცია არ გაუმჯობესდება, მთავრობა მზად არის ზომების გასამკაცრებლად.