დავით ზალკალიანის განცხადებით, საზღვარგარეთ უმუშევრად დარჩენილ საქართველოს მოქალაქეების შემთხვევებს სამინისტრო ინდივიდუალურად განიხილავს
საქართველოს საგარეო საქმეთა მინისტრის დავით ზალკალიანის განცხადებით, საზღვარგარეთ მყოფი უმუშევრად დარჩენილი საქართველოს მოქალაქეების ყველა შემთხვევას სამინისტრო ინდივიდუალურად განიხილავს და საელჩოები მუდმივ კომუნიკაციაში არიან ემიგრანტებთან, მათ შორის მათთან ვინც სამსახური დაკარგა.
„აუცილებელია, რომ ჩვენ გვქონდეს ზუსტი ინფორმაცია ამ ემიგრანტებისგან, დამსაქმებლებისგან და კონტრაქტების არსებობის შესახებ, რათა გვქონდეს შესაბამისი სამართლებრივი საფუძველი, რომ საქართველოს საელჩოები და საკონსულოები შევიდნენ ამ კომუნიკაციაში ადგილსამყოფელ ქვეყნებთან. ამ მიმართულებით ამ წუთებშიც მიმდინარეობს საქმიანობა და მომავალშიც კოვიდინფექციასთან გამკლავების შემდეგად ჩვენი წარმომადგენლები აქტიურად იქნებიან ჩართულნი,“ - აღნიშნა დავით ზალკალიანმა.