სახაზინო ობლიგაციების აუქციონზე 40 000 000 ლარის ნომინალური ღირებულების ფასიანი ქაღალდები გაიყიდა
საქართველოს ეროვნული ბანკი ფინანსთა სამინისტროს სახაზინო ობლიგაციების აუქციონის შედეგს აქვეყნებს რომლის თანახმადაც, 21 აპრილს, ფინანსთა სამინისტროს სახაზინო ობლიგაციების აუქციონზე 40 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა.
„აუქციონში მონაწილეობა მიიღო ოთხმა კომერციულმა ბანკმა. მოთხოვნამ შეადგინა 78 150 000 ლარი. მინიმალური საპროცენტო განაკვეთი 10.150 პროენტით, მაქსიმალური 10.500 პროცენტით, ხოლო საშუალო შეწონილი 10.235 პროცენტით განისაზღვრა. კუპონურმა საპროცენტო განაკვეთმა 10.250 პროცენტს შეადგინა. კუპონის გადახდა მოხდება წელიწადში ორჯერ, ყოველ ექვს თვეში”,-აღნიშნულია ინფორმაციაში.