რა მოთხოვნების დაკმაყოფილება მოუწევთ პირებს, ვისთვისაც ორშაბათიდან საქმიანობა ნებადართული გახდება
პრემიერ-მინისტრმა გიორგი გახარიამ, მთავრობის ანტიკრიზისული გეგმის ფარგლებში, ის ძირითადი საქმიანობები დაასახელა, რომელიც ორშაბათიდან, 27 აპრილიდან დაიშვება.
კერძოდ, საქმიანობები, რომლებიც 2 დღეში ნებადართული იქნება არის:
- მსუბუქი ავტოსატრანსპორტო საშუალებებით გადაადგილება
- ტაქსების ოპერირება
- ონლაინ ვაჭრობა სრულად (საბითუმო და საცალო)
- მიტანის მომსახურება ნებისმიერ პროდუქტზე
- ღია ტიპის აგრარული ბაზრების საქმიანობა
თუმცა, აღსანიშნავია, რომ პრემიერის განცხადებით, საუბარია, იმ ობიექტებზე რომლებიც აკმაყოფილებენ ჯანდაცვის სამინისტროს მიერ დაწესებულ წესებს. მათ შორის, ტაქსის მძღოლისთვის სავალდებულო იქნება პირბადის გამოყენება; ე.წ. ონლაინ ვაჭრობა დასაშვები იქნება იმ შემთხვევაში, თუ სამუშაო ადგილზე/საწყობში არაუმეტეს 5 ადამიანი იქნება.
