რას ვყიდით და ვყიდულობთ თურქეთში - ტოპ-5 პროდუქტი
ქვეყნის უმსხვილეს სავაჭრო პარტნიორებს შორის, თურქეთი კვლავ ლიდერია. სტატისტიკის ეროვნული სამსახურის მონაცემებით, 2020 წლის იავარ-მარტში, საქართველო- თურქეთს შორის სავაჭრო ბრუნვამ 402.2 მლნ. აშშ დოლარი შეადგინა.
ამასთან, 2020 წლის სამ თვეში, გასული წლის ანალოგიოურ პერიოდთან შედარებით, საქართველოდან თურქეთში ექსპორტი 5,8 %-ით შემცირდა, ხოლო თურქეთიდან იმპორტი 8,7%-ით გაიზარდა. კერძოდ, სტატისტიკის ეროვნული სამსახურის მონაცემებით, მიმდინარე წლის იანვარ-მარტში, საქართველოდან თურქეთში ექსპორტზე 53,9 მლნ აშშ დოლარის პროდუქტი გავიდა, 2019 წლის ანალოგიურ პერიოდში - 57, 2 მლნ აშშ დოლარის.
რაც შეეხება იმპორტს, 2020 წლის 3 თვეში თუქეთიდან საქართველოში 348,3 მლნ აშშ დოლარის პროდუქტი შემოვიდა, 2019 წლის ანალოგიურ პერიოდში კი - 320, 2 ლნ აშშ დოლარის.
„ბიზნესპრესნიუსი“ წარმოგიდგენთ ტოპ-5 პრუდუქტს, რასაც ვყიდით და ვყიდულობთ თურქეთში.
2020 წლის იანვარ-მარტში საქართველოდან თურქეთში ექსპორტზე გვიდა:
- ტრიკოტაჟის ნაწარმი - 11,3 მლნ აშშ დოლარი ( 381,7 ტონა)
- ფეროშენადნობები - 9,9 მლნ აშშ დოლარი (10 353 ტონა)
- ხორცის, თევზის ან კიბოსნაირების ფქვილი და გრანულები - 4,5 მლნ აშშ დოლარი (3 542 ტონა)
- მამაკაცის ან ბიჭის ნაქსოვი/ტრიკოტაჟის კოსტუმები, კომპლექტები - 4,2 მლნ აშშ დოლარი (167 ტონა)
- ნახშირბადიანი ფოლადისგან დამზადებული ნახევარფაბრიკატები - 3,7 მლნ აშშ დოლარი (9 986 ტონა)
რაც შეეხება იმპორტს, 2020 წლის იანვარ-მარტში, თურქეთიდან საქართველოში შემოვიდა:
- დაფასოებული სამკურნალო საშუალებები - 13 მლნ აშშ დოლარი (163,9 ტონა)
- შავი ლითონის მილები, მილაკები და ღრუ პროფილები - 10,9 მლნ აშშ დოლარი (16 797 ტონა)
- სხვა მზა ნაწარმი, ტანსაცმლის თარგების ჩათვლით - 10,2 მლნ აშშ დოლარი -(405,9 ტონა)
- ნავთობი და ნავთობპროდუქტები - 8,2 მლნ აშშ დოლარი (12 675 ტონა)
- შავი ლითონის მეტალოკონსტრუქციები და მათი ნაწილები - 8,1 მლნ აშშ დოლარი (5 124 ტონა)
