IEA ენერგომატარებლებზე მოთხოვნის რეკორდულ შემცირებას პროგნოზირებს
ენერგეტიკის საერთაშორისო სააგენტოს (IEA) პროგნოზით, 2020 წელს კორონავირუსის პანდემიის გამო ენერგომატარებლებზე მოთხოვნა 6% -ით შემცირდება.
სააგენტოს ცნობით, აბსოლუტური თვალსაზრისით, ეს არის ყველაზე დიდი ვარდნა ბოლო 70 წლის განმავლობაში.
ამასთან, სააგენტომ COVID-19 პანდემიას ყველაზე დიდი შოკი უწოდა ენერგეტიკული ბაზრებისთვის, მეორე მსოფლიო ომის შემდეგ.
”აბსოლუტური თვალსაზრისით, ვარდნა უპრეცედენტოა”, - ნათქვამია IEA-ს ანგარიშში.
IEA-ს პროგნოზები ემყარება იმ ვარაუდს, რომ პანდემიის წინააღმდეგ ბრძოლისთვის დაწესებული სოციალური დისტანცირების ზომები თანდათანობით შერბილდება უახლოეს თვეებში. ეკონომიკურ საქმიანობაში უფრო სწრაფი აღდგენით, მოთხოვნის შემცირება შეიძლება შემოიფარგლოს 3.8% -ით. ამასთან, ვირუსის გავრცელების მეორე ტალღის შემთხვევაში, ენერგორესურსებზე მოთხოვნა შეიძლება დაეცეს 6% -ზე მეტით.
"ეს არის ისტორიული შოკი მთელი ენერგეტიკული სამყაროსთვის. დღევანდელი უპრეცედენტო კრიზისი ფონზე, მოთხოვნა მცირდება ყველა სახის საწვავზე, განსაკუთრებით ქვანახშირზე, ნავთობსა და გაზზე", - განაცხადა IEA- ს აღმასრულებელმა დირექტორმა ფატიჰ ბიროლმა.
მისივე თქმით, გრძელვადიანი შედეგების დადგენა ჯერ კიდევ ნაადრევია, მაგრამ ენერგეტიკული ინდუსტრია, რომელიც გამოვა ამ კრიზისიდან, მნიშვნელოვნად განსხვავებული იქნება იმისგან, რაც ადრე იყო.
პირველ კვარტალში, ენერგორესურსებზე მოთხოვნა წლიურად 3.8%-ით შემცირდა. მარტში ნავთობის მოთხოვნა წლიურად განისაზღვრა 10.8 მილიონი ბარელით დღეში. აპრილში, IEA- ს შეფასებით, ნავთობის მოთხოვნა დღეში 29 მილიონი ბარელით დაეცემა, რაც ბოლო 25 წლის განმავლობაში შემცირების ყველაზე მაღალი მაჩვენებელია.
ასევე შემცირდა მოთხოვნა ქვანახშირზე და ელექტროენერგიაზე, რადგან ბევრი საწარმო დაიხურა. ამასთან, განახლებადი ელექტროენერგიის წარმოება პირველ კვარტალში 3% -ით გაიზარდა და მთლიანი ელექტროენერგიის თითქმის 28%-ს შეადგენდა.