ესპანეთში, საზოგადოებრივ ტრანსპორტში, პირბადის გამოყენება სავალდებულო ხდება
ესპანეთში საზოგადოებრივი ტრანსპორტით მგზავრობისას პირბადის გამოყენება სავალდებულო ხდება, - ამის შესახებ ინფორმაციას „ბიბისი“ ავრცელებს.
გამოცემის ცნობით, ახალი რეგულაცია ძალაში ორშაბათიდან შევა.
ქვეყნის პრემიერ-მინისტრის პედრო სანჩესის განცხადებით, ხელისუფლება საზოგადოებრივი ტრანსპორტის ლოკაციებზე 6 მილიონი პირბადის დარიგებას აპირებს, 7 მილიონი პირბადე კი ადგილობრივ ხელისუფლებებს გადაეცემა.
შეგახსენებთ, ესპანეთში კორონავირუსის 216 500-ზე მეტი შემთხვევაა დარეგისტრირებული, გარდაცვლილთა რაოდენობა კი 25 000-ს აჭარბებს.