აპრილში ევროკავშირის ქვეყნებიდან ფულადი გზავნილები 35%-ით შემცირდა

2020 წლის აპრილში წინა წლის ანალოგიურ პერიოდთან შედარებით ევროკავშირის ქვეყნებიდან ფულადი გზავნილები 35%-ით შემცირდა. საქართველოს ეროვნული ბანკი ფულადი გზავნილების სტატისტიკას აქვეყნებს, რომლის თანახმადაც, აპრილში საქართველოში გადმორიცხული ფულადი გზავნილები 42.3%-ით შემცირდა.

კერძოდ, ფულადი გზავნილების 27.5%-იანი კლება ფიქსირდება იტალიიდან, 37.8%-ით შემცირდა გზავნილები საბერძნეთიდან, 0.7%-ით გერმანიიდან, 60.4%-ით ესპანეთიდან, 41.9%-ით პოლონეთიდან, 51.3%-ით საფრანგეთიდან, 61.8%-ით რუსეთის ფედერაციიდან, 33.6%-ით აშშ-დან, 48.4%-ით ისრაელიდან, 31.3%-იანი კლებაა თურქეთიდან, 32,1%-ით შემცირდა გზავნილები უკრაინიდან. საპირისპიროდ, ფულადი გზავნილების 39.47%-იანი ზრდა ფიქსირდება აზერბაიჯანიდან.