დღეიდან ავტომობილების ტექინსპექტირება კვლავ სავალდებულოა - რა ვადა განესაზღვრათ მძღოლებს

დღეიდან, 23 მაისიდან, ავტომობილების ტექინსპექტირება ისევ სავალდებულოა. ამის შესახებ ინფორმაციას, ავტომობილების ინსპექტირების ცენტრების ასოციცია ავრცელებს.

შეგახსენებთ, რომ საგანგებო მდგომარეობის გამო საქართველოში ავტომობილების პერიოდული სავალდებულო ტექინსპექტირება დრობით შეჩერდა. მთავრობის 2020 წლის 31 მარტის დადგენილებით კი განისაზღვრა ვადა, თუ როდის მოუწევთ ავტომფლობელებს განმეორებითი ან პირველადი ტექდათვალიერების გავლა.

„იმ ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირება (პირველადი/განმეორებითი), რომლის ვადა შეჩერდა ქვეყანაში გამოცხადებული საგანგებო მდგომარეობის მოქმედების ვადით, უნდა ჩატარდეს საგანგებო მდგომარეობის დასრულებიდან არა უგვიანეს 60 კალენდარული დღის განმავლობაში. თუ განმეორებითი ინსპექტირების ვადა ემთხვევა საგანგებო მდგომარეობის მოქმედების ვადას, სატრანსპორტო საშუალების განმეორებითი ინსპექტირება აღნიშნულ 60 კალენდარული დღის ვადაში იმავე ინსპექტირების ცენტრში, რომელშიც ჩატარდა პირველადი ინსპექტირება, თავისუფლდება მომსახურების საფასურისაგან“, - აღნიშნულია დადგენილებაში.

თაია არდოტელი