სასაფლაოების ტერიტორიაზე შესვლის აკრძალვა მოიხსნა

სასაფლაოების ტერიტორიაზე შესვლის აკრძალვა მოიხსნა. ამის შესახებ ნათქვამია მთავრობის ადმინისტრაციის მიერ გავრცელებულ ინფორმაციაში. სასაფლაოს ტერიტორიაზე შესვლა, გარდა მიცვალებულის დაკრძალვასთან დაკავშირებული ღონისძიებებისა, 17 აპრილიდან იყო აკრძალული.

ამასთან, როგორც მთავრობის ადმინისტრაციის მიერ გავრცელებულ ინფორმაციაშია აღნიშნული, საგანგებო მდგომარეობის გაუქმების შემდეგ, იზღუდება 10-ზე მეტი ადამიანის თავშეყრა, რომელიც დაკავშირებულია სოციალურ ღონისძიებებთან, მაგალითად, ქორწილი, ნებისმიერი იუბილე, ქელეხი და ა.შ.

შეგახსენებთ, საქართველოში საგანგებო მდგომარეობა 23 მაისიდან აღარ მოქმედებს.