5 ქვეყანა, სადაც საქართველო ნიორს ყიდულობს

კორონავირუსის პანდემიის გამო, მსოფლიოში ზოგიერთ პროდუქტზე მოთხოვნა რამდენჯერმე გაიზარდა. მათ შორის, ერთ-ერთი არის ნიორი.

ნიორის იმპორტი გაიზარდა საქართველოშიც, კერძოდ, 2020 წლის იანვარ-აპრილში ქვეყანაში თითქმის 3-ჯერ მეტი ნიორი შემოვიდა, ვიდრე წინა წლის ანალოგიურ პერიოდში. უფრო კონკრეტულად, წელს საქართველომ სულ 385,2 ტონა ნიორი იყიდა, შარშან კი მხოლოდ 137 ტონა. შარშან 4 თვეში ნიორის იმპორტისთვის ქვეყნიდან მხოლოდ 84,1 ათასი დოლარი გავიდა, წელს, ანალოგიურ პერიოდში კი 273,4 ათასი დოლარი.

რაც შეეხება იმპორტიორ ქვეყნებს, წელს საქართველომ ნიორი მხოლოდ 5 ქვეყანაში იყიდა:

  • ჩინეთი - 269.4 ტონა
  • ირანი - 88.3 ტონა
  • უკრაინა - 20.2 ტონა
  • სომხეთი - 6.3 ტონა
  • ნიდერლანდები - 1 ტონა