საერთაშორისო სამოგზაურო პლატფორმა Conde Nast Traveler საქართველოში ტურიზმის გახსნის და სპეციალური უსაფრთხო ზონების შექმნის შესახებ წერს
საქართველოში ტურიზმის გახსნისა და სპეციალური უსაფრთხო ზონების შექმნის შესახებ კიდევ ერთი გავლენიანი საერთაშორისო სამოგზაურო პლატფორმა Conde Nast Traveler წერს. „რომელი ქვეყნები იხსნება საერთაშორისო მოგზაურებისთვის“ - ამ სათაურით გამოქვეყნებულ სტატიაში საქართველოსთან ერთად მსოფლიოში პოპულარული ტურისტული მიმართულებები: საბერძნეთი, ესპანეთი, ინდონეზია, მალდივი და შრი-ლანკა მოხვდნენ.
„საქართველო პოპულარული ტურისტული მიმართულებაა არაბთა გაერთიანებულ საამიროებში. საქართველოში შიდა ტურიზმი -15 ივნისს, ხოლო საერთაშორისო 1 ივლისს იხსნება. საქართველო ერთ-ერთი პირველი ქვეყანაა, რომელიც უცხოელ ვიზიტორებს უმასპინძლებს. უკვე დანერგილია უსაფრთხოებისა და ჰიგიენის ახალი ზომები, რაც ტურისტებს მშვიდად მოგზაურობის საშუალებას მისცემს. საქართველო ტურისტებს „მწვანე ზონებში“ მიიღებს, რომელიც ქვეყნის მასშტაბით ვირუსისგან თავისუფალ ადგილებში მოეწყობა. მთელ ევროპაში საქართველო კორონავირუსის შემთხვევების ერთ-ერთი ყველაზე დაბალი მაჩვენებლით გამოირჩევა”, - წერს Conde Nast Traveler საერთაშორისო სამოგზაურო პლატფორმა.
აღნიშნულ ინფორმაციას ტურიზმის ადმინისტრაცია ავრცელებს.