10 ყველაზე მსხვილი ინვესტორი კომპანია საქართველოში

წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2020 წლის 1-ელ კვარტალში 165.4 მლნ. აშშ დოლარი შეადგინა, რაც 2019 წლის 1-ლი კვარტალის წინასწარ მონაცემებზე 41.7 პროცენტით ნაკლებია.

სტატისტიკის ეროვნული სამსახურის მონაცემებით, შემცირების გამომწვევ ძირითად მიზეზებს შორის აღსანიშნავია მაგისტრალური გაზსადენის მშენებლობის პროექტის დასრულება და რამდენიმე საწარმოს გადასვლა საქართველოს რეზიდენტის საკუთრებაში.

„ბიზნესპრესნიუსი“ დაინტერესდა რომელია ის ტოპ-10 საწარმო, რომელმაც ყველაზე მეტი ინვესტიცია განახორციელა საანგარიშო პერიოდში. სტატისტიკის ეროვნული სამსახურის მიერ მიწოდებული ინფორმაციით, ათეულში ლიდერობს საწარმოები, რომელიც ენერგეტიკისა და საფინანსო სექტორში საქმიანობს. კერძოდ, ეს კომპანიებია: შპს „თბილისი ენერჯი“; „აჭარ-ენერჯი 2007“; „სილქ როუდ გრუპ ჰოლდინგი“ და სს „ბიჯეო ჯგუფი“.

ამ 4 კომპანიის გარდა, ტოპ-10 ინვესტორ საწარმოს შორის მოხვდა ასევე:

• შპს „მაგთიკომი“;
• სს „კორპორაცია ფოთის საზღვაო ნავსადგური“;
• სს RMG Cooper;
• შპს „ტოიოტა კავკასია“;
• შპს საქართველოს ტურიზმის განვითარების ფონდი;
• შპს „რეკან გრუპ ჯორჯია“.