ოქროს ფასი იზრდება

დოლარის შესუსტების შედეგად, მსოფლიოში ოქროზე ფასი გაიზარდა. ამას თან ამერიკის ფედერალური ბანკის გადაწყვეტილება დაემატა, რომლის მიხედვითაც ფედრეზერვმა ქვეყნის ეკონომიკის სტიმულირებისთვის კორპორატიული ობლიგაციების შეძენა დაიწყო.

შესაბამისად, დღეს ოქროს ფასი 0.31% -ით გაიზარდა და უნციაზე 1,729.9 აშშ დოლარი შეადგინა.

Commerzbank-ის წარმომადგენლის დენიელ ბრიზემანის თქმით, „წლის მეორე ნახევარში ოქროზე ფასი 1 800 დოლარამდე მოიმატებს ცენტრალური ბანკების მიერ ლიკვიდობის მასიური ზრდის გამო, რამაც უნდა გამოიწვიოს ვალუტის შემცირება.”

ოქროსთან ერთად გაიზარდა პალადიუმის ფასიც, დღეს ეს ძვირფასი ლითონი 2.15% -ით გაძვირდა და უნციაზე 1.948.48 დოლარი შეადგინა. ვერცხლის ფასი დაეცა 0.21% -ით და მიაღწია 17,39 დოლარს უნციაზე. პლატინამ კი სტაბილური ფასი შეინარჩუნა - უნციაზე 811.33 დოლარი.