დონალდ ტრამპმა რამდენიმე კატეგორიის სამუშაო ვიზის გაცემა შეაჩერა
აშშ-ის პრეზიდენმტმა დონალდ ტრამპმა ხელი მოაწერა განკარგულებას, რომელიც რამდენიმე კატეგორიის სამუშაო ვიზის გაცემის 2020 წლის ბოლომდე შეჩერებას ითვალისწინებს, - ამის შესახებ ინფორმაციას BBC ავრცელებს.
კერძოდ, წლის ბოლომდე შეწყდება H1-B, H-2B, J-1 და L კატეგორიის თითქმის ყველა ვიზის გაცემა, რაც საბოლოო ჯამში, დაახლოებით 525 000 ადამიანს შეეხება.
თეთრი სახლის განმარტებით, ტრამპის გადაწყვეტილება შეეხება ახალი ტექნოლოგიების სფეროში დასაქმებულ პირებს, სეზონურ სამსახურებში (თუმცა არა სოფლის მეურნეობაში) დასაქმებულებს, au pair-ის პროგრამაში მონაწილე პირებს, საერთაშორისო კორპორაციების მენეჯერებსა და სხვა წამყვან თანამშრომლებს.
აღსანიშნავია, რომ შეზღუდვები, რომელიც ძალაში 24 ივნისიდან შედის, არ შეეხებათ იმ პირებს, რომლებიც უკვე იმყოფებიან აშშ-ში და სამუშაო ვიზა აქვთ.