პროფკავშირები - კატეგორიულად ვეწინააღმდეგებით შრომის კოდექსის ცვლილებებიდან ფუნდამენტურად მნიშვნელოვანი საკითხების მოულოდნელ და შეუთანხმებელ ამოგლეჯას

პროფკავშირების გაერთიანება, კატეგორიულად ეწინააღმდეგება შრომის კოდექსის ცვლილებებიდან ფუნდამენტურად მნიშვნელოვანი საკითხების მოულოდნელ და შეუთანხმებელ ამოგლეჯას, - ამის შესახებ ნათქვამია პროფკავშირების გაერთიანების ინფორმაციაში.

მათივე ცნობით, მიუღებელია ცვლილებები არაერთ ნორმასთან მიმართებაში, როგორიც არის გაფიცვის უფლება, მინიმალური ხელფასი, აღსრულების მექანიზმი, დეკრეტული შვებულების და ანაზღაურების საკითხი.

„კოდექსის ცვლილებათა პირვანდელი პაკეტი, გაერთიანებისთვის მისაღები იყო, თუმცა სავარაუდოდ ბიზნესის ზეწოლით შეცვლილი ნორმები - გაერთიანების მთავარ პრინციპებს ეწინააღმდეგება“, - ნათქვამია ინფორმაციაში.