სექტორები, რომლებშიც საქართველოს ინვესტიციების მოზიდვის პოტენციალი აქვს

„გალთ&თაგარტმა“ გამოაქვეყნა კვლევა, რომელშიც საუბარია, იმ სექტორებზე, რომელშიც საქართველოს ინვესტიციების მოზიდვის პოტენციალი აქვს.

„გაეროს ვაჭრობისა და განვითარების კონფერენციის (UNCTAD) პროგნოზის თანახმად, 2020 წელს გლობალურად FDI-ის 40%-იანი კლებაა მოსალოდნელი და ბოლო 15 წლის მანძილზე FDI პირველად ჩამოცდება 1 ტრილიონ დოლარს. FDI-ის კლების ყველაზე დიდი მაჩვენებელი დაფიქსირდება განვითარებად ქვეყნებში. ინვესტიციების გააქტიურება 2022 წლიდანაა მოსალოდნელი.

პანდემიის პირობებში აქტუალური გახდა მიწოდების ჯაჭვის გადაწყობა Enodoeconomics Reshoring Index-ის მიხედვით, ზოგიერთ სექტორში უფრო მეტად მოსალოდნელია მიწოდების ჯაჭვის დივერსიფიკაცია (მაგ. ავტოინდუსტრია, ელექტრო მანქანადანადგარები, ხის ნაწარმი და ა.შ),“-აღნიშნულია კვლევაში.

სექტორები, რომლებშიც საქართველოს ინვესტიციების მოზიდვის პოტენციალი აქვს, ასე გამოიყურება:

  • ტექსტილის, ტანსაცმლისა და ტყავის წარმოება;
  • ავტომობილების / ავტონაწილების წარმოება;
  • მედიკამენტების და სხვა ქიმიური წარმოება;
  • ელექტრონული პროდუქტების წარმოება;
  • ტრანსპორტი და დასაწყობება;
  • ბიზნეს პროცესების აუთსორსინგი.
თაია არდოტელი