დავით ზალკალიანის განცხადებით, გავრცლებული ინფორმაცია, რომ საქართველოში უცხო ქვეყნის მოქალაქეები შემოდიან, სიმართლეს არ შეესაბამება
საგარეო საქმეთა მინისტრის დავით ზალკალიანის განცხადებით, გავრცლებული ინფორმაცია იმის შესახებ, რომ საქართველოს საზღვარზე უცხო ქვეყნის მოქალაქეები გადმოდიან, სიმართლეს არ შეესაბამება.
მინისტრის თქმით, საზღვარს კვეთენ მხოლოდ საქართველოს მოქალაქეები ან ორმაგი მოქალაქეობის მქონე პირები და მათი ოჯახის წევრები.
„ვრცელდება სხვადასხვა სპეკულაციები, თითქოს არის გამონაკლისები უცხო ქვეყნის მოქალაქეების საქართველოში შემოშვებასთან დაკავშირებით. მინდა დაგიდასტუროთ, რომ არანაირი გამონაკლისი არ არსებობს, საქართველოს სახმელეთო საზღვარს კვეთენ მხოლოდ საქართველოს მოქალაქეები ან ორმაგი მოქალაქეობის მქონე პირები და მათი ოჯახის წევრები“, - განაცხადა ზალკალიანმა.