„ყველა ახალგაზრდას ვულოცავ რეგულაციების შემსუბუქებას - ღია ცის ქვეშ სადღესასწაულო ღონისძიებები, კონცერტები დაშვებულია"
ეკონომიკისა და მდგრადი განვითარების მინისტრის ნათია თურნავას განცხადებით, დღეიდან უკვე დაშვებულია ღია სივრცეში სხვადასხვა სოციალური ღონისძიების გამართვა. როგორც მან ჟურნალისტებს განუცხადა, მოქალაქეებმა რეკომენდაციები განსაკუთრებული სიფრთხილით უნდა დაიცვან.
„ყველა ახალგაზრდას ვულოცავ ამ რეგულაციების შემსუბუქებას. ამ შემთხვევაშიც უნდა დავიცვათ ზომიერება. არ დაგვავიწყდეს, რომ რეკომენდაცია არის, 100 კაცზე მეტი ადამიანი არ იყრიდეს თავს და არ მონაწილეობდეს ამ ღონისძიებებში. რასაკვირველია, სხვა აუცილებელი რეკომენდაციებიცაა, რაც ჯანდაცვის პროტოკოლითაა გათვალისწინებული. მთლიანობაში უკვე ღია ცისქვეშ ასეთი სადღესასწაულო ღონისძიებები, კონცერტები არის დაშვებული. ვიცი, რომ ეს ძალიან მნიშვნელოვანი იყო მთელი რიგი ადამიანებისთვის და დასაქმებულებისთვის. მათ შორის არიან ფოტოგრაფები, მუსიკოსები, ივენთ მენეჯერები, სატრანსპორტო კომანიები, რესტორნები, სასტუმროები, დღეიდან უკვე გარკვეული სიფრთხილის დაცვით შეგვიძლია ამ საქმიანობის განხორციელება,“ - განაცხადა ნათია თურნავამ.