შემოსავლების სამსახურმა უაქციზო თამბაქო და დაუფასოებელი თუთუნი გამოავლინა

შემოსავლების სამსახურის საგადასახადო მონიტორინგის თანამშომლებმა უაქციზო თამბაქო და დაუფასოებელი თუთუნი გამოავლინეს. ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.

უწყების ცნობით, 18-20 ივლისს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის სამეგრელოს, გურიისა და ზემო სვანეთის სამმართველოს თანამშრომლების მიერ, გატარებული მიმდინარე კონტროლის პროცედურების შედეგად, უაქციზო საქონლის (2,510 კოლოფი სიგარეტი და 27 კგ. დაუფასოებელი თუთუნი) შენახვა-გადაზიდვის ფაქტები გამოვლინდა, აქედან ერთი შემთხვევა სისხლის სამართლის დანაშაულის ნიშნებს შეიცავდა.

საქართველოს საგადასახადო კოდექსის 192-ე მუხლის მე-5 ნაწილის შესაბამისად, კანონდამრღვევ მოქალაქეს საქონელი ჩამოერთვა.