საფრანგეთის ეკონომიკა მეორე კვარტალში 13.8%-ით შემცირდა

საფრანგეთის ეკონომიკა 2020 წლის მეორე კვარტალში 13.8%-ით შემცირდა, - ამის შესახებ ინფორმაციას „როიტერსი“ ავრცელებს.

სააგენტოს ცნობით, შემცირება მნიშვნელოვანია, თუმცა გაცილებით ნაკლებია ქვეყნის სტატისტიკის ეროვნული სამსახურის მიერ წინასწარ გაკეთებულ პროგნოზზე, რომელიც წლის მეორე კვარტალში ეკონომიკის 17%-ით შემცირებას ვარაუდობდა.

საფრანგეთში საყოველთაო კარანტინის გამო შეჩერდა ინვესტიციების განხორციელება, ვაჭრობა. ოფიციალური სტატისტიკის თანახმად, მარტის შუა რიცხვებიდან მაისამდე დაწესებულმა შეზღუდვებმა ეკონომიკის თითქმის ყველა სფერო დააზიანა.