1 წელიწადში საარსებო შემწეობის მიმღებთა რაოდენობა 42,1 ათასით გაიზარდა
საქართველოში საარსებო შემწეობის მიმღებთა რიცხვი გაიზარდა.
სოციალური მომსახურების სააგენტოს მონაცემებით, 2020 წლის ივლისში საარსებო შემწეობის მიმღებთა რაოდენობა წინა წლის ანალოგიურ პერიოდთან შედარებით 42 199 ადამიანით გაიზარდა.
სტატისტიკური მონაცემებით, 2019 წლის ივლისში საარსებო შემწეობის მიმღებთა რიცხვი 445 591-ს შეადგენდა, 2020 წლის ივლისში კი 487 790 შეადგინა.
გაიზარდა ბაზაში რეგისტრირებულთა რაოდენობაც, ანუ მათი რიცხვი, ვინც თვლის, რომ გაჭირვებულია და დახმარებას საჭიროებს. უფრო კონკრეტულად, 2019 წის ივლისში ასეთი ადამიანების რიცხვი შეადგენდა 949 262-ს, წელს ივლისში კი 952 633-ს.