სექტორები, სადაც პირდაპირი უცხოური ინვესტიციები გაიზარდა
სტატისტიკის ეროვნული სამსახურის მიერ გამოქვეყნებული დაზუსტებული მონაცემების მიხედვით, 2019 წელს, 2018 წელთან შედარებით, რიგ სექტორებში პირდაპირი უცხოური ინვესტიციების მოცულობა გაიზარდა. კერძოდ, ინვესტიციების მოცულობა გაზრილია: ჯანდაცვაში -(8,8%), ენერგეტიკაში (53%), სასტუმროებსა და რესტორნების სექტორებში (31.5%).
რაც შეეხება აღნიშულ სექტორებში განხორციელებულ პირდაპირ უცხოურ ინვესტიციებს, ასე გამოიყურება:
- ჯანდაცვა და სოციალური დახმარება - 2019 წელს 13.5 მლნ აშშ დოლარი - 2018 წელს - 12.4 მლნ აშშ დოლარი
- ენერგეტიკა - 2019 წელს 261.6 მლნ აშშ დოლარი - 2018 წელს 122.3 მლნ აშშ დოლარი
- სასტუმროები და რესტორნები - 2019 წელს 120.2 მლნ აშშ დოლარი - 2018 წელს - 82.3 მლნ აშშ დოლარი
ცნობითვის, დაზუსტებული მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წელს 1 310.8 მლნ. აშშ დოლარი შეადგინა, რაც 2018 წლის მონაცემებზე 0.3 პროცენტით მეტია და 3.4 პროცენტით აღემატება 2019 წლის წინასწარ მონაცემებს. 2018 წელს საქართველოში 1,306 მლრდ დოლარის ინვესტიცია განხორციელდა.
ამასთან, საქსტატის მონაცემებით 2019 წელს რეინვესტიციის წილმა მთლიანი პირდაპირი უცხოური ინვესტიციების 48.4პროცენტი შეადგინა. 2018 წელს კი ეს მაჩვენებელი 33,2% იყო.
რაც შეეხება 2020 წლის პირველი კვარტლის დაზუსტებულ მონაცემებს, წელს 171, 800 მლნ დოლარის ინვესტიცია განხორციელდა.
