ილონ მასკის ინტერნეტ „სტარლინკის“ სიჩქარის მონაცემები გამოქვეყნდა

ილონ მასკის კომპანია „სპეის იქსის“ (SpaceX) ინტერნეტ „სტარლინკის“ (Starlink) ათზე მეტმა მომხმარებელმა, ქსელის სიჩქარის შესახებ მონაცემები გამოაქვეყნა.

გამოცემა „არს ტექნიკას“ (Ars Technica) ინფორმაციით, გადმოწერის სიჩქარე წამში 11-60 მეგაბიტს აღწევს, გადმოტვირთვის სიჩქარე კი წამში 5-18 მეგაბიტია. ამასთან, სიგნალის შეყოვნების დრო მხოლოდ 31-94 მილიწამია. ზოგ შემთხვევაში კი ეს მაჩვენებელი 20-21 მილიწამის ფარგლებშია.

გამოცემა წერს, რომ სიგნალის შეყოვნების დრო, მნიშვნელოვანია იმ შემთხვევებში, როცა „სტარლინკს“ კომპიუტერული ონლაინ-თამაშებისთვის იყენებენ. ეს ასევე მნიშვნელოვანია იმისთვის, რომ „სპეის იქსმა“ აშშ-ის კავშირის ფედერალური კომისის მხარდაჭერა მიიღოს. რეგულატორის მოთხოვნების შესაბამისად, შეყოვნება არ უნდა აღემატებოდეს 100 მილიწამს. „სპეის იქსის“ მიზანი, ამ შეყოვნების 20 მილიწამამდე შემცირებაა.

„არს ტექნიკას“ ინფორმაციით, „სპეის იქსი“ აშშ-ში სტარლინკის ქსელში, 5 მილიონი აბონენტის ჩართვას გეგმავს. კომპანიას ამ დროისთვის კოსმოსში კავშირის 600-ზე მეტი აპარატი აქვს გაშვებული. სულ კი 12 ათასი ასეთი თანამგზავრის გაშვება იგეგმება. ეს კი ნიშნავს, რომ „სტარლინკის“ ტექნიკური მახასიათებლები, თანამგზავრების რიცხვის ზრდასთან ერთად, გაუმჯობესდება.