შუახევში ორი უკანონო სახერხი გამოავლინეს
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა აჭარაში ორი დაურეგისტრირებელი სახერხი საამქრო გამოავლინეს.
როგორც გარემოსდაცვითი ზედამხედველობის სამსახურიდან იუწყებიან, აჭარისა და გურიის რეგიონული სამმართველოს თანამშრომლებმა, ხე-ტყის გადამამუშავებელი ლენტური ტიპის სახერხი საამქროები გამოავლინეს შუახევის მუნიციპალიტეტის სოფლებში - ტომაშეთსა და ფურტიოში. მოქალაქეებს სახერხი საამქროები საკარმიდამო ეზოებში ჰქონდათ მოწყობილი.
ვინაიდან ორივე სამართალდარღვევა შეიცავს სისხლის სამართლის დანაშაულის ნიშნებს, საქმის მასალები, შემდგომი რეაგირების მიზნით, შესაბამის უწყებებში გადაიგზავნა.