კომპანიები, რომლებმაც პანდემიის მიუხედავად ათასობით ადამიანი დაასაქმეს
კორონავირუსის პანდემიამ მსოფლიო ეკონომიკას საკმაოდ მნიშვნელოვანი დარტყმა მიაყენა, დაიხურა ათასობით კომპანია და ადამიანები სამსახურის გარეშე დარჩნენ.
მიუხედავად იმისა, რომ აშშ-ის ეკონომიკა ისტორიულ მინიმუმამდე დაეცა, ზოგიერთი კომპანიის წარმოება გაიზარდა და ჭარბი მოთხოვნის გამო მათ დამატებითი მუშახელის დაქირავება დასჭირდათ.
CNN წარმოგიდგენთ 6 კომპანიას, რომლებმაც პანდემიის დროს ყველაზე მეტი ადამიანი დაასაქმეს:
Amazon
გაზრდილი მოთხოვნის გამო კომპანია Amazon-მა სექტემბრის თვეში დამატებით 33 000 ვაკანსია გამოაცხადა. კომპანიის განცხადებით, ისინი დასაქმებულებს საათში 15 აშშ დოლარს უხდიან.
FedEx
კომპანია FedEx დამატებით 70 000 ადამიანის სეზონურად დასაქმებას გეგმავს, რაც ჰელოუინი დღესასწაულთანაა დაკავშირებული. ამასთან, 2021 წლის იანვრიდან FedEx ტვირთბრუნვის მნიშვნელოვნად გაზრდას აპირებს.
Party City
სადღესასწაულო ინვენტარის მომმარაგებელი კომპანია Party City ჰელოუინთან დაკავშირებით დამატებით 20 000 თანამშრომლის აყვანას გეგმავს. ამასთან, მათ აშშ-ში დამატებით 25 ახალი მაღაზია გახსნეს. კომპანიაში იმედს გამოთქვამენ, რომ პანდემია გაყიდვებზე არ იმოქმედებს.
7-Eleven
მაღაზიათა ქსელმა 7-Eleven-მა მარტიდან მოყოლებული დღემდე დაახლოებით 50 000 ადამიანი დაასაქმა. პანდემიის დროს გაზრდილი მოთხოვნის გამო ისინი ახალ მაღაზიებს ხსნიან და ახალი ვაკანსიების გამოცხადებას წლის ბოლომდე კიდევ აპირებენ.
Target
კომპანია Target-მა გასულ წელს ჰელოუინის დღესასწაულთან დაკავშირებით სეზონურად 130 000 ადამიანი დაასაქმა. კომპანია გეგმავს წელს გასულ წელთან შედარებით უფრო მეტი ადამიანი დაასაქმოს. ამასთან, Target-ის ოფიციალური განცხადებით, მათი მზიანია მომდევნო 3 წლის განმავლობაში შავკანიან დასაქმებულთა რიცხვი 20%-მდე გაზარდონ.
Walmart
სუპერმარკეტების უმსხვილესმა ქსელმა Walmart-მა მარტიდან დღემდე დამატებით 500 000-ზე მეტი ადამიანი დაასაქმა. გაზრდილი მოთხოვნის გამო ისინი სოზონურად დამატებით 20 000 თანამშრომლის აყვანას გეგმავენ.
