სექტორები, სადაც ყველაზე მეტი ადამიანია დასაქმებული
ყველაზე მეტი ადამიანი საბითუმო და საცალო ვაჭრობის სექტორშია დასაქმებული. უნარებზე საწარმოთა მოთხოვნის კვლევა 2020-ის ანგარიშის მიხედვით, ამ სექტორში დასაქმებულების 25.2% მოდის.
ამავე მონაცემების მიხედვით, მას მოსდევს დამამუშავებელი მრეწველობის სექტორი - 11.5%, ჯანდაცვისა და სოციალური მომსახურების სექტორი - 9.9%, მშენებლობის სექტორი - 9.8%.
დასაქმებულთა ყველაზე დაბალი წილით სხვა სახის მომსახურებებისა (1.1%) და სამთომოპოვებითი მრეწველობის (1.1%) სექტორები ხასიათდებიან.
რაც შეეხება დასაქმებულთა რაოდენობას სექტორების მიხედვით, ასე გამოიყურება:
- საბითუმო და საცალო ვაჭრობა - 205,300 ადამიანი
- დამამუშავებელი მრეწველობა - 93,945
- ჯანდაცვა და სოციალური მომსახურების საქმიანობები - 80,442
- მშენებლობა - 79,672
- ტრანსპორტირება და დასაწყობება -59,632
- სასტუმროები და რესტორნები - 47,474
- საფინანსო და სადაზღვევო საქმიანობები- 45,885
- პროფესიული, სამეცნიერო და ტექნიკური საქმიანობები -27,173
- ინფორმაცია და კომუნიკაცია - 26,829
- ადმინისტრაციული და დამხმარე მომსახურების საქმიანობები -26,671
- განათლება -23,730
- ხელოვნება, გართობა და დასვენება - 19,742
- უძრავ ქონებასთან დაკავშირებული საქმიანობები - 18,604
- ელექტროენერგიის, აირის, ორთქლის და კონდიცირებული ჰაერის მიწოდება - 15,355
- წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობები - 14,573
- სოფლის, სატყეო და თევზის მეურნეობა - 12,928
- სხვა სახის მომსახურება - 9,192
- სამთომოპოვებითი მრეწველობა და კარიერების დამუშავება - 9,027
კვლევის მიხედვით, დასაქმებულთა რაოდენობა ყველაზე მეტად ICT სექტორში (18.2%) გაიზარდა. აგრეთვე ორნიშნა ზრდა დაფიქსირდა ჯანდაცვის სექტორში - 14.2%. დასაქმებულთა რაოდენობის შემცირება მხოლოდ 2 სექტორში დაფიქსირდა, კერძოდ, უძრავ ქონებაში (-4%), ასევე საფინანსო და სადაზღვევო საქმიანობებში(-3.4%).
ცნობისთვის, აღნიშნული კვლევა ეკონომიკისა და მდგრადი განვითარების სამინისტროს, შრომის ბაზრის საინფორმაციო სისტემამ "დაგეგმე მომავალი" ჩაატარა.
