„11%-ს ჩვენ დავუფარავთ“ - „აწარმოე საქართველოში“ ბიზნესმენებს მიმართავს

სააგენტოს „აწარმოე საქართველოში“ ხელმძღვანელმა მიხეილ ხიდურელმა რადიო „პალიტრას“ და „პალიტრანიუსის“ გადაცემაში „საქმე“ ბიზნესის წარმომადგენლებს მიმართა. მისი თქმით, იმ შემთხვევაში, თუ მეწარმეების ბიზნესპროექტს ბანკი დააფინანსებს, სააგენტო მათ საპროცენტო განაკვეთს 3 წლის განმავლობაში თითქმის სრულად დაუფარავს.

„დღეის მდგომარეობით ჩვენთან მოქმედებს პროგრამები მეწარმეობის მიმართულებით. ერთი-ერთი ეს არის სუბსიდირების პროგრამა, რომელიც გაფართოვდა და 2 წლის მაგივრად, ახლა უკვე 3 წლის განმავლობაში ვუსუბსიდირებთ სესხის მნიშვნელოვან ნაწილს. ეს არის სადღაც 11%. მე მინდა მივმართო მეწარმეებს (წარმოების, სასტუმროს და კიდევ ბევრი სხვა მიმართულების შემთხევვაში) მივიდეს ბანკში კონკრეტული ბიზნეს გეგმით და როდესაც ბანკი მოახდენს მათი ბიზნეს გეგმის დაფინანსებას, ამის შემდეგ უკვე 3 წლის განმავლობაში, თუ მას საპროცენტო განაკვეთი უწევდა მაგალითად, 12%, აქედან 11 %-ს დავუფარავთ ჩვენ“,- განაცხადა მიხეილ ხიდურელმა.