საქართველოში ყველაზე მაღალი ხელფასები თბილისშია
საქსტატმა საქართველოში დაქირავებით დასაქმებულთა საშუალო თვიური ხელფასის სტატისტიკა გამოაქვეყნა, რომლის მიხედვითაც, 2019 წელს საქართველოში დაქირავებით დასაქმებულთა საშუალო თვიური ნომინალური ხელფასი გასულ წელთან შედარებით 5.7 პროცენტით (61.2 ლარით) გაიზარდა და 1 129.5 ლარი შეადგინა.
ოფიციალური სტატისტიკის მიხედვით, გასულ წელს ყველაზე მაღალი საშუალო ხელფასი თბილისში დაფიქსირდა, რომელმაც 1350 ლარი შეადგინა. რაც შეეხება საქართველოს სხვა რეგიონებს:
აჭარის ავტონომიური რესპუბლიკა 952.9 ლარი
მცხეთა-მთიანეთი 901.9 ლარი
ქვემო ქართლი 851.4 ლარი
სამეგრელო-ზემო სვანეთი 793.1 ლარი
იმერეთი 723.2 ლარი
სამცხე-ჯავახეთი 711.6 ლარი
შიდა ქართლი 707.2 ლარი
კახეთი 690.2 ლარი
გურია 617.7 ლარი
რაჭა-ლეჩხუმი და ქვემო სვანეთი 556.9 ლარი
შეგახსენებთ, რომ სტატისტიკის ეროვნული სამსახური ხელფასების მოცულობას საშუალო არითმეტიკულის საშუალებით ითვლის, რაც ცხადყოფს, რომ მოცემული მონაცემები რეალურ სურათს მაინც ვერ ასახავს.
ავტორი: ნოდარ სირბილაძე