ევროკავშირის ლიდერები ბრიტანეთთან სავაჭრო ხელშეკრულების გამკაცრებას მოითხოვენ
ევროკავშირის წევრი სახელმწიფოების ლიდერები 15-16 ოქტომბერს ბრიუსელში ევროკავშირსა და დიდი ბრიტანეთს შორის გასამართ შეხვედარზე, რომელზეც ბრექსიტის შემდგომი სავაჭრო საკითხების განხილვა იგეგმება, აპირებენ გამკაცრებული სავაჭრო შეთანხმების გაფორმება მოითხოვონ. ამის შესახებ გაზეთი Financial Times დიპლომატიურ წყაროებზე დაყრდნობით წერს.
მათი თქმით, ევროკავშირის წევრი ქვეყნების ხელმძღვანელი პირები შეხვედრაში მთავარ მომლაპარაკებელზე მიშელ ბარნიეზე წნეხს გაზრდიან, რათა ევროკავშირმა სამომავლოდ ცალმხრივად მიიღოს „რეალური დროებითი“ ზომები ლონდონთან ნებისმიერი სადავო თემის წამოჭრისას.
როგორც დიპლომატები გამოცემასთან აცხადებენ, ეს საკითხი განსაკუთრებით მას შემდეგ გააქტიურდა, რაც ბრიტანეთის პრემიერმა ბორის ჯონსონმა მიიღო შიდა ბაზრისთვის განკუთვნილი სადავო კანონპროექტი, რომელიც ბრექსიტის პირობებს ეწინააღმდეგება.
შეგახსენებთ, დიდმა ბრიტანეთმა ევროკავშირის 2020 წლის 1 თებერვალს ოფიციალრუად დატოვა, მას შემდეგ, რაც 3 წელიწადს გაგრძელდა კავშირიდან გასვლის პირობებზე მოლაპარაკებები. ბრიუსელი და ლონდონი გარდამავალ პერიოდზე შეთანხმდნენ მიმდინარე წლის ბოლომდე, რა დრომდეც დიდ ბრიტანეთზე გავრცელდება ყველა ეკონომიკური ნორმა, მათ შორის ვაჭრობისა და საერთო ევროპული ბაზრების რეგულაციები. მხარეებს გარდამავალი პერიოდის დასრულებამდე უნდა მოესწროთ საბოლოო შეთანხმების გაფორმება, რომელიც დაარეგულირებს მათ შორის სავაჭრო საკითხებს. აქამდე იყო მოლოდინი, რომ ბრიუსელის დაგეგმილ შეხვედრაზე მხარეები საბოლოოდ შეთანხმდებობდნენ, თუმცა ახლა ირკვევა, რომ მხარეები მხოლოდ „მოლაპარაკებების პროგრესს შეაფასებენ“.
