Google და Facebook მობილური რეკლამის ლიდერები არიან

კვლევითმა კომპანიამ AppsFlyer ყოველწლიური რეიტინგი Performance Index წარმოადგინა, რომელიც იკვლევს მობილური რეკლამის ბაზარს. ახალ რეიტინგში ლიდერობას კვლავ ინარჩუნებენ Google და Facebook, მათ გავლენის ხარისხში 79% და რეკლამის მოცულობაში 82% აიღეს.

ამასთან, ღირებულების ანალიზმა აჩვენა, რომ Facebook საკუთარ მომსახურებაში მეტს იღებს. განსაკუთრებით ეს შესამჩნევია სათამაშო აპლიკაციებში ჩრდილოეთ და სამხრეთ ამერიკის ქვეყნებში და ევროპაში. Google-ში რეკლამა კი უფრო ძვირი აღმოჩნდა აზია-წყნარი ოკეანის რეგიონში, ის კონკურენტს ასევე უსწრებს არასათამაშო სეგმენტში რეკლამების განთავსებაშიც.

რაც შეეხება საოპერაციო სისტემებს, კომპანიებმა აქაც გაიყვეს გავლენის სფეროები: Google დიდი სხვაობით ლიდერობს საოპერაციო სისტემაზე Android, მაშინ როცა Facebook აკონტროლებს სარეკლამო ბაზრის დიდ ნაწილს iOS-ზე.

ანგარიშის მიხედვით, კორონავირუსის პანდემიას რეიტინგის ჩამონათვალზე არანაირი გავლენა არ მოუხდენია.

კოკა კვირკველია