ვლადიმერ ზელენსკიმ უკრაინის ეკონომიკის სტრატეგიული განვითარების გეგმა დაანონსა

უკრაინის პრეზიდენტმა ვლადიმერ ზელენსკიმ 2030 წლამდე ქვეყნის ეკონომიკური განვითარების გეგმაზე მუშაობის დაწყება დააანონსა და მთავრობას დაავალა მოამზადოს შესაბამისი დოკუმენტი.

„უკრაინას სჭირდება სრულფასოვანი სტრატეგია არა 2-3 წლის ან 5 წლის. საკმარისია, შეწყდეს მისი განვითარების გაზომვა პოლიტიკური ვადებით. ჩვენ გვჭირდება მკაფიო ხედვა, საით და რატომ უნდა განვითარდეს ჩვენი ეკონომიკა 2030 წლამდე“, - განაცხადა ზელენსკიმ უმაღლესი რადასამდი ყოველწლიურ მიმართვაში.

მან დასძინა, რომ მთავრობამ უნდა წარმოადგინოს ეკონომიკური განვითარების გათვლები, ქვეყნის აუდიტის ჩატარების შემდეგ. „აუდიტის შედეგებთან ერთად ველოდებით უკრაინის ეკონომიკური სექტორების პრეზენტაციას 2030 წლამდე“ - აღნიშნა მან.

მისი თქმით, აუდიტის შედეგები ორ კვირაში იქნება წარმოდგენილი. „ჩვენ ვეცადეთ გაგვეგო: რა გაკეთდა ეკონომიკაში არასწორად ბოლო წლებში და როგორ შეიძლება მისი გამოსწორება. მთავრობამ ჩაატარა ქვეყნის სრულფასოვანი აუდიტი და ორ კვირაში წარმოადგენს შედეგებს“ - განაცხადა ზელენსკიმ.

ამასთან, დასძინა, რომ „უკვე დღეს არის ნათელი, რომ წინ დიდი სამუშაოა ჩასატარებელი, ხოლო პრიორიტეტები გასაგებია: სახელმწიფოს წილის შემცირება ეკონომიკაში და სახელმწიფო-კერძო სექტორის პარტნიორობის განვითარება“.